今日快报
蔡卓妍35岁生日！容祖儿霍汶希啜爆寿星女
当中当然要有佢既好朋友容祖儿喇，而容祖儿昨日就在社交网上载一张同寿星女咀嘴嘅相，仲有段声讲「I love you！」仲留言话：「正菜妍生日快乐！好朋友不用多说，只要你每天顺心，要甚么有甚么，便已足够。」
而阿Sa自己都在微博出Post多谢大家嘅祝福。另外，经理人霍汶希亦有上载生日会相片，见到关智斌同张敬轩都有出席呀，而郑希怡都有到场，霍汶希就留言话：「我的sa sa希望你永远快乐，爱你的人永远爱你，你爱的人也永远爱你。」
岑丽香辞演《BB》 监制否认有喜
无线新剧《BB来了》一众演员李佳芯（Ali）、黎诺懿、高海宁、黄长兴等于将军澳电视城出席造型活动，有传Ali的角色原本由岑丽香（香香）演出，监制廖晋硕接受访问时：「原来最初系有呢个构思，香香系其中一个选择。（点解之后搵Ali？）因为香香结婚后第一年，想返加拿大去陪屋企人。」
问到是否因为香香传喜讯而辞演，监制否认说：「唔系呢个原因。」他又表示今次是首次的拍摄这题材的剧集，而编审黄秉怡亦谓今次题材亦贴地，希望观众有共鸣。
宣萱爆乳「诱惑」金钟国
艺人宣萱出席韩式婚纱摄影活动，穿上低胸晚装的她表示因婚纱活动而穿得隆重，她表示自己都喜欢韩式婚纱，但对韩星就不留意。她翘住韩星金钟国一同到场，大赞金钟国：「佢ok，有风度，第1次活动接触，好舒服，我哋用英文交谈。（锺意咩类型韩星？）单眼皮ok，比较少睇韩剧，我锺意李英爱，佢嚟香港我访问过佢，外表斯文，公主形又爽快。」
提到日前她与郑裕玲、吴美珩等人相聚饭局，她表示：「我有叫佢（吴美珩）复出，转达传媒想佢复出，佢畀个笑面（公仔）我，我都好怀念以前一齐拍嘢，但佢都冇意复出，佢凑小朋友亲力亲为比较忙。」
颁奖礼杀到 许廷铿睇好侧田攞奖
歌手许廷铿（Alfred）、赵增熹和周博贤现身香港大学出席电台电视节目讲座，接受访问时，Alfred表示心情特别紧张，因为赵增熹及周博贤分别系自己嘅中学同大学师兄，加上讲座系以问答形式进行，笑言自己喺乐坛嘅年资唔经唔觉都有8年，希望可以解答到大家嘅问题。
谈到颁奖典礼，Alfred指今年都有信心：「用咗半年时间去筹备，成绩都喜出望外，新碟销量都几好。（觉得边个系劲敌？）今年都好多，自己好锺意侧田，好开心佢喺香港多咗，仲有陈柏宇同林奕匡。其实唔系要做比较，乐坛嘅承传先系最紧要。」
杨怡未有所出 谦谦叹：社会真系好难造人
艺人罗仲谦与太太杨怡「夫妻档」上阵，出席「史诺比在时代广场过圣诞」开幕礼活动。现场二人表现恩爱。台上杨怡表示圣诞愿望可以到芬兰的圣诞老人村旅行。问到二人已有一段时没有「夫妻档」拍住上搵真银，罗仲谦表示「都有一段时间喇，反而其实想同老婆一齐拍戏，不过依家仲系各有各忙。」
已有一年多未有拍剧的杨怡，表示依家忙住拍摄剧集，估计要拍到十二月。问到是否没有时间造人，罗仲谦笑言：「社会真系好难造人？。其实我哋喺香港成日都有见面，咁啱呢几个月我都喺香港。对于有相士批二人2018-2019有机会生小朋友，二人听后开心大笑表示「承你贵言啦」。杨怡表示其实呢个年份个Range都好大。问到是否已积极造人中，罗仲谦表示：「都准备好，都想。不过呢啲系天意嚟嘅。」杨怡则表示：「如果个天畀个咁好消息我，我都想同大家分享嘅。」
另外，杨怡表示今年圣诞节会与家人一起过，会热闹一点。问到是否想到圣诞老人村，她则表示：「呢个要计划？，但自己又忙拍剧边有时间Plan，将来同自己小朋友系我梦想，不过同家姐啲小朋友都得。家姐已经约咗喺香港开派对过圣诞，其实只要一家人一齐，去边都无所谓。